الارشيف / الفن / وشوشة

عمرو الليثى يقدم كشف حساب "واحد من الناس" في 2018

قال الإعلامى د. عمرو الليثى، فى مقدمة برنامج "واحد من الناس"، على شاشة "النهار"، أنه باق من الزمن يومان فقط ونستقبل عام جديد، ووجه التهنئة الى المشاهدين متمنياً اننا نكون دايمًا عند حسن ظنكم، وأن نكون بنحقق الهدف اللى بدأنا البرنامج من أجله وهو ما جعله مستمربفضل ثقتكم وتشجعيكم أكثر من 10 سنوات.

وأضاف "الليثى"، كل سنة وجواكم الخير والمحبة والأمل، كل سنة وأنتم أقوى بإيمانكم، كل سنة وحياتكم فيها البركة والمحبة، كل سنة ومصر بتتقدم وبتكبر وبتعلن عن ميلاد دولة عصرية حديثة ومستقبل جميل ومشرق كلنا بنحلم به، كل سنة وإحنا أكثر رقيًا وعظمة وتألقا وشموخا وقوة، كل سنة وإحنا مكملين مع بعض فى واحد من الناس... بكل الخير اللى بيقدمة والمساعدات اللى بيسعى فيها... والمبادرات المختلفة  اللى بتجوب كل محافظات مصر علشان خاطر اهالينا وناسنا الطيبين، كل سنة واحنا قادرين نسعدكم  ونرسم الابتسامة على شفايفكم وجوة  بيوتكم وقلوبكم.

وأشار الليثى أنه مع نهاية سنة 2018، نقدم لكم كشف حساب لواحد من الناس ونقدم لكم أبرز وأهم وأجمل وأصعب الفقرات اللى شفناها مع بعض في الفترة  اللى فاتت من أول ما أبتدى "واحد من الناس" يطل عليكم  على شاشة قناة "النهار"، ورغم أنها فترة قصيرة لكنها كانت مزدحمة بالفقرات والحالات الإنسانية والاجتماعية والمبادرات  بأنواعها المختلفة واللقاءات الفنية مع أبرز وأجمل النجوم.

وتابع "الليثى"، بنوعدكم بسنة جديدة وفقرات جديدة وتطوير جديد لواحد من الناس بمشاركة كبار النجوم، حتى نكون جوة قلوبكم ومشاعركم.. نعبر عن  همومكم.. نحل مشاكلكم.. نقدم لكم كل اللى نقدر علية من خدمات صحية واجتماعية وانسانية.

قد تقرأ أيضا